സംസ്ഥാന മീഡിയ അക്കാദമിയുടെ ആഭിമുഖ്യത്തില്‍ എറണാകുളം കാക്കനാടു നിന്നു മലയാളത്തില്‍ പ്രസിദ്ധീകരിക്കുന്ന മാസിക. മാധ്യമ സംബന്ധിയായ ലേഖനങ്ങളും പഠനങ്ങളുമാണ് ഉള്ളടക്കം. രാജ്യാന്തര, ദേശീയ, സംസ്ഥാന തലങ്ങളിലെ കാലിക പ്രാധാന്യമുള്ള സംഭവവികാസങ്ങളെക്കുറിച്ചുള്ള പഠനങ്ങളും നിരീക്ഷണങ്ങളും മീഡിയ മാസികയെ വ്യത്യസ്തമാക്കുന്നു. ഗഹനമായ വിഷയങ്ങളെ ലളിതമായ ഭാഷയില്‍ കൈകാര്യം ചെയ്യുന്ന ലേഖനങ്ങളും പ്രശസ്ത വ്യക്തികളുമായുള്ള അഭിമുഖങ്ങളും ഉള്ളടക്കത്തില്‍ പ്രധാനമായും ഉള്‍പ്പെടുത്തിയിരിക്കുന്നു.
